Mes: Decembro 2015

O vindeiro domingo 3 de xaneiro na aula de cultura haberá baile para a 3ª idade.

Hoxe30 de decembro ás 8 e media do serán na igrexa de San Francisco teremos un concerto de Nadal a cargo da banda municipal. Neste ano 2015 que está a piques de rematar cúmprense 25 anos da refundación da banda e para este acto contará coa colaboración do coro do Conservatorio.

A mañá do domingo deunos un bonito día para facermos opercorrido solidario en apoio aos refuxiados sirios. Aquí deixo algunhas fotos da camiñata. Na última delas o cordinador local da Cruz Vermella amosa a cantidade recadada, máis de 1.300€ que irán destinados integramente aos que están pasando polo triste trance   de ter que fuxir da súa casa. Desde taxiadaptadobetanzos.com queremos agradecer a todos os participantes e ás entidades que fixeron posible este acto.

Mañán, domingo 13 de decembro é o día da andaina solidaria en apoio aos refuxiados sirios. Organizada polo persoal de Eroski conta co apoio de varias organizacións e comercios locais. A pesares do que di o cartel sobre os prazos de inscripción a verdade é que ata o momento da saída podedes unirvos a este evento. Unha bonita actividade para a mañá do domingo: un pouco de deporte e unha gran axuda a persoas que están pasando por moi malos momentos.

Comeza o VII ciclo de teatro infantil. A primeira das representacións  comezará hoxe sábado ás 6 da tarde na Aula Municipal de Cultura. Trátase da obra titulada “A casa do avó” a cargo da compañía Tanxarina. O resto das obras e as datas podedes velas no cartel que adxuntamos.

Hoxe, sábado 5 de decembro actuación da Banda Municipal de Música de Betanzos na igrexa de Santa María do Azougue ás 20:30 horas.

Trátase dunha nova edición do tradicional Concerto da Ilusión, onde ademáis se dará o recebemento de novos intérpretes.