Exposición ceramica de Niñodaguia

Desde o día 14 e ata final de mes podedes ver no edificio do liceo unha exposición de alfarería tradicional de Niñodaguía. As pezas son unha representación da olería tradicional da zona e proveñen do taller de Agustín Vázquez. Este ceramista mantén un taller na localidade dende 1990 onde conta con zona de exposición e venda ao público.

20151117_192634-1

20151117_192704-1

Unha das características máis definitorias da olería de Niñodaguia e a cor amarela clara das pezas. Esta obtense tras a cocción e débese a composición química propia do barro desta zona.

20151117_192621-1   20151117_192406-1

Outro característica propia da cerámica de Niñodaguia é a unión das asas ao corpo da ola, acopladas dun modo que parecen como fundidas na parede da peza.

20151117_192603-1

20151117_192549-1

Chamoume especial atención unha peza exposta baixo o nome de “Xarra da trampa”, que ven sendo unha versión galega da chamada xerra máxica de Herón en alusión a Herón de Alexandría, matemático do século I, na que se pode meter viño e auga sen que  se mesturen e servilo despois de modo separado. Moitos pensan que este artiluxio usouno Cristo nas vodas de Caná para  facerlle crer aos asistentes que realizara un milagro cando só se trataba de mecánica de fluídos.

Finalmente, aportamos dúas láminas sobre algunhas formas básica da cerámica de Niñodaguia e a súa área de distribución comercial no pasado, sacadas do mítico libro de García Alén “La alfarería de Galicia” editado pola fundación Barrié en 1983.

20151121_084621_001-1 20151121_084223_001-1

 

XORNADAS DE PROMOCIÓN DO TURISMO ACCESIBLE. Lugo, 11/11/2015

Onte asistimos ás xornadas de turismo accesible en Lugo. Alí debateuse sobre as moitas posibilidades que hai para turismo adaptado  e como día a dia a oferta se vai incrementando en ámbitos máis novedosos (vela , montañismo, surf…) Tamén se comentou o moito que queda por facer no eido da hostelería, sobre todo no tocante a baños adaptados, unha das queixas nas que máis insistiron os usuarios con movilidade reducida. Impresionoume especialmente o testimonio dunha persoa sobre o nulo caso que fai a policía local de Lugo cando lles comunican a ocupación de prazas reservadas para minusválidos por persoas sen autorización, chegando a bloquear o teléfono dos denunciantes habituais para non atender as peticións de retirada dos vehículos infractores. Ademáis presentouse unha nova cadeira de rodas eléctrica que se dirixe con impulsos do tronco.

GUÍA DE PROGRAMAS, PRESTACIÓNS E AXUDAS DE SERVIZOS SOCIAIS

Presentamos a continuación un compendio das prestacións, servizos e axudas no eido dos servizos sociais. Inclúe a maioría das existentes no ámbito das minusvalías, terceira idade, familia, inclusión social, migracións, drogo dependencias e mulleres. A nosa intención é axudar a dar difusión dos recursos que poidan precisar tanto os nosos usuarios coma a poboación en xeral. Lembre que a mellor información e a máis actualizada vaina atopar no traballador/a social que lle corresponda na súa zona. A parte de que esta guía non pretende ser exhaustiva existen outros recursos de carácter privado ou propios do seu concello que non se recollen aquí, ademais algúns poden verse alterados por cambios lexislativos en calquera momento. Por iso o mellor é que un técnico estude a súa situación persoal para determinar a cales pode acceder e os que mellor lle acaen.

Resumo de prestacións, programas e axudas de servizos sociais

 

Iníciase servizo de Eurotaxi en Betanzos

20150619_171226 - copia (Small) - copia

No mes de xullo iniciamos o servizo de eurotaxi na vila de Betanzos. Moveunos a por en marcha esta idea a ausencia de taxis adaptados nun núcleo de poboación suficientemente habitado e cabeceira dunha comarca asemade pouco dotada deste tipo de transporte. Con esta iniciativa cúbrese a recomendación legal de ter alomenos un 5% dos taxis habilitados para movilidade reducida.

Pero a nosa idea non foi só ofrecer un eurotaxi máis, senón complementar o transporte con outras aportacións que consideramos valiosas para os usuarios. Adquirimos así unha cadeira de rodas que ofrecemos de xeito totalmente gratuíto para quen necesite de forma puntual deste apoio técnico por mor dun accidente ou convalecencia e non dispoñan del. Deste modo non se verán obrigados a facer unha compra ou aluguer unicamente para un uso circunstancial.

Tamén adquirimos o dominio taxiadaptadobetanzos.com coa idea de ofrecer información variada no eido da movilidade reducida. Progresivamente iremos publicando sobre rutas, locais, lugares adaptados e información non só turística da comarca senón tamén novas de carácter social sobre subvencións, servizos, recursos e canto se nos vaia ocurrindo referente a movilidade e dependencia. Para iso invitámosvos a todos e todas a colaborar enviándonos o que queirades incluir sobre todo isto e a facernos recomendacións.

Engadir por último que o vehículo pode levar bicicletas e ata 6 pasaxeiros. Desta forma pode ser unha interesante alternativa ao avión, con viaxes de porta a porta a prezo económico sen as molestias do aeroporto. O gran volume de carga traseira pode facilitar o transporte dalgúns volumes que non entrarían nun taxi normal de 4 pasaxeiros. Consúltenos no teléfono: 619075640. GRAZAS.

20150603_210350 (Small)